తమిళ స్టార్ హీరో సూర్య నటించిన లేటెస్ట్ మూవీ ‘కంగువా’ కోసం అభిమానులు ఎంతలా వెయిట్ చేస్తున్నారో అందరికీ తెలిసిందే. దర్శకుడు శివ ఈ సినిమాను ప్రెస్టీజియస్‌గా తెరకెక్కించడంతో ఈ సినిమాను చూసేందుకు ఫ్యాన్స్ ఆసక్తిగా ఉన్నారు. ఇక ఈ సినిమా టీజర్, ట్రైలర్లు అభిమానుల్లో ఈ సినిమాపై అంచనాలను నెక్స్ట్ లెవెల్‌కు తీసుకెళ్లాయి.
ఇక ఈ సినిమాను పాన్ ఇండియా మూవీగా భారీ స్థాయిలో రిలీజ్ చేస్తుండగా, ఓవర్సీస్‌లోనూ ఈ సినిమాపై సాలిడ్ అంచనాలు క్రియేట్ అయ్యాయి. ఇక ఈ సినిమా ఓవర్సీస్ రైట్స్‌ని యూఏఈ కి చెందిన ఫార్స్ ఫిలింస్ అనే బ్యానర్ ఏకంగా రూ.40 కోట్లకు దక్కించుకున్నట్లు తెలుస్తోంది. దీంతో ఈ సినిమాపై ఓవర్సీస్ మార్కెట్ వర్గాల్లో భారీ అంచనాలు క్రియేట్ అయ్యాయి.
తమిళ సినిమాల్లో అత్యంత ఖరీదైన ఓవర్సీస్ రైట్స్‌తో అమ్ముడైన సినిమాగా.. సూర్య కెరీర్‌లో హయ్యెస్ట్ ఓవర్సీస్ రైట్స్‌తో రాబోతున్న సినిమాగా కంగువా నిలిచింది. ఇక ఈ సినిమాను దసరా కానుకగా అక్టోబర్ 10న గ్రాండ్ రిలీజ్ చేయనున్నారు.