తెలుగులో మంచి క్రేజ్ ఉన్న తమిళ హీరోల్లో సూర్య కూడ ఒకరు. ఆయన సినిమాల కోసం ఇక్కడ ఎదురుచూసే ప్రేక్షకులు ఉన్నారు. వాస్తవం చెప్పాలంటే ఏ తమిళ హీరోకూ లేని క్రేజ్ సూర్యకు ఉంది. సూర్య ఛాన్నాళ్ల నుండి తెలుగులో డైరెక్ట్ సినిమా చేయాలని అనుకున్నారు. పలుసార్లు ప్రయత్నాలు చేసినా కుదరలేదు. అందుకే తాను స్వయంగా చేయకపోయినా నిర్మించాలని డిసైడ్ అయ్యారు. సూర్యకు సొంతగా ఒక నిర్మాణ సంస్థ ఉంది. కేవలం తన భార్య జ్యోతికతో సినిమాలు చేయడానికే ఆ సంస్థను పెట్టారు.
ఇప్పుడు అందులో చిన్న చిన్న సినిమాలు కూడ నిర్మిస్తున్నారు. అలాగే తెలుగులో కూడ నేరుగా చిన్న సినిమాలు నిర్మించాలనేది సూర్య ఆలోచనట. అందుకోసం ఆల్రెడీ తెలుగులో ఉన్న ఒక నిర్మాణ సంస్థతో చేతులు కలిపారట. అందులో కేవలం తెలుగు సినిమాలనే నిర్మిస్తారట. అవి కేవలం తెలుగులో మాత్రమే రిలీజ్ అవుతాయట. మరి సూర్య టై-అప్ అయిన ఆ సంస్థ ఏది, వారు ఎలాంటి సినిమాలు చేస్తారు అనేది తెలియాలంటే ఇంకొన్నాళ్ళు ఆగాల్సిందే.
