మన టాలీవుడ్ మ్యాచో స్టార్ గోపిచంద్ హీరోగా కావ్య థాపర్ హీరోయిన్ గా దర్శకుడు శ్రీను వైట్ల తెరకెక్కించిన లేటెస్ట్ హిట్ చిత్రమే “విశ్వం”. మరి మళ్లీ శ్రీను వైట్లని తన మార్క్ కామెడీ ట్రాక్ లోకి తీసుకురాగా గోపిచంద్ కి కూడా మంచి విజయాన్ని అందించిన సినిమాగా నిలిచింది.
ఇక ఈ సినిమా ఈ దసరా కానుకగా థియేటర్స్ లో రిలీజ్ కి రాగా ఇప్పుడు దీపావళి కానుకగా ఓటీటీలో స్ట్రీమింగ్ కి వచ్చేసింది. ఈ సినిమా ఓటీటీ హక్కులు అమెజాన్ ప్రైమ్ వీడియో వారు సొంతం చేసుకోగా అందులో ఈ సినిమా సర్ప్రైజింగ్ గా స్ట్రీమింగ్ కి వచ్చేసింది. మరి ఈ సినిమా అప్పుడు మిస్ అయ్యినవారు ఇప్పుడు ప్రైమ్ వీడియోలో వీక్షించవచ్చు. ఇక ఈ చిత్రానికి చేతన్ భరద్వాజ్ సంగీతం అందించగా పీపుల్ మీడియా ఫ్యాక్టరీ వారు నిర్మాణం వహించిన సంగతి తెలిసిందే.
