మన టాలీవుడ్ యంగ్ అండ్ టాలెంటెడ్ హీరోస్ లో తన వెర్సటాలిటీ తో అదరగొట్టిన నటుడు శ్రీవిష్ణు కూడా ఒకడు. మరి తను నటించిన లేటెస్ట్ ఇంట్రెస్టింగ్ సినిమానే “స్వాగ్”. దర్శకుడు హసిత్ గోలితో చేసిన ఈ సినిమా తమ కాంబినేషన్లో ఆల్రెడీ రాజ రాజ చోర వంటి క్లీన్ హిట్ తర్వాత మరి ఈ సినిమాలో మంచి కంటెంట్ ని మించి శ్రీవిష్ణు తన పెర్ఫార్మన్స్ తో ఆశ్చర్య చకితులను చేసాడని చెప్పాలి.
డిఫరెంట్ గెటప్స్ డిఫరెంట్ వేరియేషన్ లతో తన నట విశ్వరూపంతో అదరగొట్టిన ఈ సినిమా ఇప్పుడు సర్ప్రైజింగ్ గా ఓటీటీలోకి వచ్చేసింది. మరి ఈ సినిమా హక్కులు ఓటీటీ సంస్థ అమెజాన్ ప్రైమ్ వీడియో సొంతం చేసుకోగా ఇందులో ఈ సినిమా నేటి నుంచి స్ట్రీమింగ్ కి వచ్చేసింది. మరి ఈ సినిమాని చూడాలి అనుకునేవారు తప్పకుండా ప్రైమ్ వీడియోలో ట్రై చేయవచ్చు. ఇక ఈ సినిమాలో రీతూ వర్మ హీరోయిన్ గా నటించగా పీపుల్ మీడియా ఫ్యాక్టరీ వారు నిర్మాణం వహించారు.
