మాస్ రాజా రవితేజ ‘మిస్టర్ బచ్చన్’ థియేటర్లలో సందడి చేస్తున్నాడు. నిన్న వేసిన స్పెషల్ ప్రీమియర్స్‌తో ఈ సినిమాకు ఆడియెన్స్ క్యూ కడుతున్నారు. ఇప్పటికే ఈ సినిమా టీజర్, ట్రైలర్స్‌కు మంచి రెస్పాన్స్ రావడం.. సాంగ్స్ అదిరిపోయాయనే టాక్ రావడంతో ఈ సినిమాను చూసేందుకు మాస్ ఆడియెన్స్ ఇంట్రెస్ట్ చూపిస్తున్నారు.
అయితే, ఈ సినిమాలో పలు కేమియోలు ఉండటం ఆడియెన్స్‌ను థ్రిల్ చేశాయి. ఇందులో ప్రధానంగా చెప్పుకునేది స్టార్ బాయ్ సిద్ధు జొన్నలగడ్డ కేమియో గురించి. ఓ యాక్షన్ సీక్వెన్స్‌తో అతడి కేమియో అదిరిపోయిందని అభిమానులు చెబుతున్నారు. ఇక మరో సర్‌ప్రైజ్ కేమియోగా రాక్‌స్టార్ దేవిశ్రీ ప్రసాద్ వచ్చాడు. ‘నల్లంచు తెల్లచీర’ సాంగ్‌లో ఆయన స్పెషల్ ఎంట్రీ సూపర్‌గా ఉందని అభిమానులు చెబుతున్నారు.
వీరితో పాటు ప్రముఖ రైటర్ బివిఎస్ రవి కూడా సినిమా స్టార్టింగ్ సీన్స్‌లో కేమియో రోల్‌లో కనిపించి అలరిస్తారు. ఇలా ఇన్ని కేమియో పాత్రలు ‘మిస్టర్ బచ్చన్’ సినిమాలో సర్‌ప్రైజ్ చేయడంతో అభిమానులు సంతోషం వ్యక్తం చేస్తున్నారు. ఇక ఈ సినిమాలో జగపతి బాబు, తనికెళ్ళ భరణి, ప్రవీణ్, చమ్మక్ చంద్ర, సచిన్ ఖేడ్కర్ తదితరులు ఇతర ముఖ్య పాత్రల్లో నటించారు. భాగ్యశ్రీ బొర్సె అందాలకు అభిమానులు ఫిదా అవుతున్నారు.
