టాలీవుడ్‌లో పాన్ ఇండియా సినిమాల జోరు నడుస్తోంది. ఈ జాబితాలో తెరకెక్కుతున్న మరో భారీ మూవీ ‘స్వయంభూ’ ఇప్పటికే శరవేగంగా షూటింగ్ జరుపుకుంటోంది. యంగ్ హీరో నిఖిల్ సిద్ధార్థ్ ఈ సినిమాలో మరో సాలిడ్ పాత్రలో నటిస్తున్నాడు. ఇక ఈ సినిమాను భరత్ కృష్ణమాచారి డైరెక్ట్ చేస్తున్నారు. ఈ సినిమాను పీరియాడిక్ యాక్షన్ అడ్వెంచర్ చిత్రంగా మేకర్స్ రూపొందిస్తున్నారు.
ఇక ఈ సినిమాకు సంబంధించి తాజాగా చిత్ర యూనిట్ ఓ సాలిడ్ అప్డేట్ అయితే ఇచ్చారు. ‘స్వయంభూ’ సినిమాకు సంబంధించిన మ్యూజిక్ సిట్టింగ్స్ కోసం చిత్ర యూనిట్ తాజాగా సంగీత దర్శకుడు రవి బస్రూర్ స్టూడియోకు వెళ్లారు. ఈ మేరకు అక్కడ దిగిన ఫోటోలను వారు సోషల్ మీడియాలో పోస్ట్ చేశారు. ఈ సినిమాకు ఆయన ఎపిక్ అండ్ పవర్‌ఫుల్ మ్యూజిక్ కంపోజ్ చేయబోతున్నట్లు చిత్ర యూనిట్ తెలిపింది.
ఈ సినిమాలో అందాల భామలు నభా నటేష్, సంయుక్త మీనన్ హీరోయిన్లుగా నటిస్తున్నారు. ఈ చిత్రాన్ని పిక్సెల్ స్టూడియోస్ బ్యానర్‌పై భువన్, శ్రీకర్ సంయుక్తంగా ప్రొడ్యూస్ చేస్తున్నారు.
