టాలీవుడ్ ట్యాలెంటెడ్ యాక్టర్ సుహాస్ ప్రస్తుతం వైవిధ్యమైన కంటెంట్ సినిమాలతో ప్రేక్షకులను ఆకట్టుకుంటున్నాడు. ఆయన నటిస్తున్న తాజా చిత్రం ‘జనక అయితే గనక’ షూటింగ్ ముగించుకుని రిలీజ్‌కి రెడీగా ఉంది. ఈ సినిమాను సందీప్ రెడ్డి బండ్ల పూర్తి కామెడీ ఎంటర్‌టైనర్‌గా తీర్చిదిద్దారు. ఇప్పటికే రిలీజ్ అయిన ఈ చిత్ర పోస్టర్, టీజర్‌లు ప్రేక్షకులను ఆకట్టుకోవడంలో సక్సెస్ అయ్యాయి.
ఇక ఈ సినిమాకు సంబంధించి మేకర్స్ తాజాగా ఓ అప్డేట్ ఇచ్చారు. ఈ సినిమా ఆడియో రైట్స్‌ను ప్రముఖ ఆడియో కంపెనీ టీ-సిరీస్ దక్కించుకున్నట్లుగా మేకర్స వెల్లడించారు. ఈ చిత్రానికి విజయ్ బుల్గనిన్ సంగీతం అందిస్తున్నారు. ఇక ఈ సినిమాలో సుహాస్ నటన మరోసారి ప్రేక్షకులను ఆకట్టుకోవడం ఖాయమని మేకర్స్ ధీమా వ్యక్తం చేస్తున్నారు.
ఈ సినిమాలో సంగీర్తన హీరోయిన్‌గా నటిస్తోండగా వెన్నెల కిషోర్, రాజేంద్ర ప్రసాద్ తదితరులు ఇతర ముఖ్య పాత్రల్లో నటిస్తున్నారు. ఈ చిత్రాన్ని దిల్ రాజు ప్రొడక్షన్స్ బ్యానర్‌పై హర్షిత్ రెడ్డి, హన్షితా రెడ్డిలు ప్రొడ్యూస్ చేస్తున్నారు. ఈ సినిమాను త్వరలోనే ప్రేక్షకుల ముందుకు తీసుకొచ్చేందుకు మేకర్స్ సిద్ధమవుతున్నవారు.
