ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా దర్శకుడు సుకుమార్ తెరకెక్కిస్తున్న భారీ చిత్రం “పుష్ప 2 ది రూల్” కోసం అందరికీ తెలిసిందే. మరి ఈ చిత్రం కోసం అభిమానులు చాలా ఆసక్తిగా ఎదురు చూస్తుండగా ఎనలేని హైప్ దీనిపై ఇపుడు నెలకొంది. అయితే గత పార్ట్ 1 లానే దీనికి కూడా మళ్ళీ రిలీజ్ సమస్యలు చివరి నిమిషం వరకు కంటెంట్ కోసం పోరాటం ఇప్పటికీ కొనసాగుతుంది.
దీనితో మళ్ళీ అప్పుడులా ఏమీ జరగకూడదు అని ఫ్యాన్స్ కోరుకుంటున్నారు. అయితే మేకర్స్ ఆల్రెడీ ఓసారి వాయిదా వేసి మళ్ళీ ఓ డేట్ ని ప్రీ పోన్ చేసి డిసెంబర్ 5కి సినిమాని ఫిక్స్ చేసిన సంగతి తెలిసిందే. మరి ఈ సినిమా ఇపుడు మరో వారం వాయిదా పడేలా ఉంది అంటూ పలు షాకింగ్ రూమర్స్ ఇపుడు మొదలయ్యాయి. అయితే ఓ పెద్ద చిత్రం వాయిదా పడొచ్చు అంటూ టాక్ మాత్రం ఇపుడు సినీ వర్గాల్లో ఊపందుకోగా ఇపుడు ఉన్న సినిమా అయితే ఇదే కాబట్టి పుష్ప 2 నే కావచ్చని వినిపిస్తుంది. మరి దీనిపై డెఫినెట్ గా ఓ క్లారిటీ రావాల్సి ఉంది.