ద‌ర్శ‌కుడు సంప‌త్ నంది క‌థ అందించిన ‘ఓదెల రైల్వే స్టేష‌న్’ మూవీ ప్రేక్ష‌కుల్లో మంచి విజ‌యాన్ని అందుకుంది. ఈ సినిమాను ద‌ర్శ‌కుడు అశోక్ తేజ డైరెక్ట్ చేయ‌గా, నేరుగా ఓటిటి ప్లాట్ ఫామ్ ఆహాలో స్ట్రీమింగ్ అయ్యింది. ఈ సినిమాకు వ‌చ్చిన సూప‌ర్ రెస్పాన్స్ తో ఇప్పుడు మేక‌ర్స్ రెండో పార్ట్ ను రూపొందిస్తున్నారు. ‘ఓదెల‌-2’ టైటిల్ తో తెర‌కెక్కుతున్న ఈ సినిమాలో మిల్కీ బ్యూటీ త‌మ‌న్నా మెయిన్ లీడ్ లో న‌టిస్తోంది.

ఈ సినిమాలో శివ‌శక్తి అనే ప‌వ‌ర్ఫుల్ పాత్ర‌లో త‌మ‌న్నా నటిస్తోంది. ఇక తాజాగా ఈ సినిమా నుంచి ఓ కొత్త పోస్ట‌ర్ ను రిలీజ్ చేశారు. త‌ల‌పై బోనం ఎత్తుకున్న త‌మ‌న్నా పోస్ట‌ర్ తో బోనాల పండుగ శుభాకాంక్ష‌లు తెలిపారు మేక‌ర్స్. ఈ పోస్ట‌ర్ తో సినిమాపై ఆస‌క్తిని పెంచారు చిత్ర యూనిట్.

ఇక ఈ సినిమా షూటింగ్ ప్ర‌స్తుతం రామోజీ ఫిలిం సిటిలో వేసిన భారీ మ‌ల్ల‌న్న స్వామి ఆల‌య సెట్ లో శ‌ర‌వేగంగా జ‌రుగుతోంది. ఈ సినిమాలో హెబ్బా ప‌టేల్, వ‌శిష్ట సింహా, యువ, నాగ మ‌హేష్, వంశీ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. డి.మ‌ధు ప్రొడ్యూస్ చేస్తున్న ఈ సినిమాకు అజ‌నీష్ లోక్నాథ్ సంగీతం అందిస్తున్నారు.