దర్శకేంద్రుడు రాఘవేంద్ర రావు తెరకెక్కించిన ‘ఝుమ్మంది నాదం’ మూవీతో టాలీవుడ్‌లో హీరోయిన్‌గా ఎంట్రీ ఇచ్చింది పంజాబీ బ్యూటీ తాప్సీ. ఆ సినిమాతో హీరోయిన్‌గా మంచి గుర్తింపును తెచ్చుకుని అటుపై తెలుగులో చాలా చిత్రాల్లో నటించింది. ఇక టాలీవుడ్ నుంచి బాలీవుడ్‌కి వెళ్లి అక్కడ కూడా సూపర్ సక్సెస్ సాధించింది. నార్త్‌లో అమ్మడికి స్టార్ స్టేటస్ రావడంతో, తెలుగు సినిమాలను బాగా తగ్గించేసింది.
అయితే, ఇప్పుడు తిరిగి తెలుగులో ఓ సినిమాతో రీ-ఎంట్రీకి సిద్ధమవుతోందట తాప్సీ. ఆమె నటించిన బ్లాక్‌బస్టర్ మూవీ ‘ఆనందోబ్రహ్మ’ చిత్రానికి సీక్వెల్ మూవీని త్వరలోనే ప్రారంభించేందుకు మేకర్స్ రెడీ అవుతున్నారు. ఈ సీక్వెల్ చిత్రాన్ని దర్శకుడు మహి వి రాఘవ్ డైరెక్ట్ చేయనున్నారట. ఈ సినిమాతో తాప్సీ తిరిగి తెలుగులో రీ-ఎంట్రీ ఇవ్వనుంది.
మరి ఆనందోబ్రహ్మ సీక్వెల్ మూవీతో తాప్సీ ఎలాంటి రీ-ఎంట్రీ ఇస్తుందో చూడాలి అంటున్నారు ఆమె అభిమానులు. ఇక ఈ సినిమాకు సంబంధించిన పూర్తి వివరాలు తెలియాల్సి ఉంది.
