‘రాయ’కి స్పెషల్ బర్త్‌డే విషెస్ తెలిపిన ‘కల్కి 2898 AD’ టీమ్

పాన్ ఇండియా స్టార్ ప్రభాస్ రీసెంట్ సెన్సేషన్ ‘కల్కి 2898 AD’ ప్రపంచవ్యాప్తంగా ఎలాంటి విధ్వంసం సృష్టించిందో మనం చూశాం. ఈ సినిమా రూ.1100 కోట్లకు పైగా వసూళ్లతో బాక్సాఫీస్ దగ్గర ర్యాంపేజ్ క్రియేట్ చేసింది. దర్శకుడు నాగ్ అశ్విన్ ఈ సినిమాను మైథాలజీ సైఫై వండర్‌గా రూపొందించాడు. ఇక ఈ సినిమాలో భారీ క్యాస్టింగ్ నటించడం.. ప్రతి పాత్రకి మంచి పేరు రావడం జరిగింది.

‘కల్కి 2898 AD‘ సినిమాలో చిన్నారి ‘రాయ’ పాత్రకి కూడా చాలా ప్రాధాన్యత ఉంటుంది. ఓ రకంగా సినిమాలోని ముఖ్య పాత్రలైన అశ్వద్ధామ, సుమతిలను కలపడంలో రాయ కీలకంగా ఉంటుంది. ఈ పాత్రలో కేయా నాయర్ అద్భుతమైన పర్ఫార్మెన్స్ ఇచ్చింది. కాగా, నేడు కేయా నాయర్ పుట్టినరోజు సందర్భంగా ‘కల్కి 2898 AD’ టీమ్ ఆమెకు స్పెషల్ విషెస్ తెలిపారు.

ఈ చిత్ర షూటింగ్ సమయంలో కేయా నాయర్ చేసిన అల్లరి, షూటింగ్‌లో ఆమె డెడికేషన్‌కి సంబంధించి ఓ షార్ట్ వీడియో రూపంలో ఆమెకు బర్త్‌డే విషెస్ తెలిపారు. ఇలా సినిమాలోని అన్ని పాత్రలకు ‘కల్కి 2898 AD’ టీమ్ ప్రాధాన్యత ఇవ్వడం ప్రేక్షకులను ఇంప్రెస్ చేసింది.