నాచురల్ స్టార్ నాని కెరీర్ లో దసరా చిత్రానికి ఒక ప్రత్యేకత ఉంది. ఈ చిత్రంలో హీరో నాని సిసలైన మాస్ రోల్ లో నటించి ప్రేక్షకులను, అభిమానులని బాగా ఆకట్టుకున్నాడు. డెబ్యూ డైరెక్టర్ శ్రీకాంత్ ఓదెల దర్శకత్వంలో తెరకెక్కిన ఈ చిత్రాన్ని శ్రీ లక్ష్మీ వెంకటేశ్వర సినిమాస్ పతాకంపై నిర్మించారు. వీరి కాంబినేషన్ లో నాని ఓదెల 2 చిత్రం రానున్న సంగతి అందరికీ తెలిసిందే. అయితే ఈ చిత్రానికి సంబంధించి వస్తున్న పలు వార్తలు, పుకార్ల గురించి టీమ్ ఒక ఇంపార్టెంట్ అలెర్ట్ ను సోషల్ మీడియాలో షేర్ చేసింది.
ప్రకటన, అప్డేట్, కంటెంట్ ఏదైనా మేము బెస్ట్ గా ఇవ్వాలి అని చాలా కేర్ ఫుల్ గా ఉంటాం. నాని ఓదెల 2 చిత్రం మాకు ఎంతో ప్రతిష్టాత్మకమైన చిత్రం. అయితే సినిమాకి సంబందించిన కొన్ని పుకార్లు, లీకుల గురించి వార్తలు రావడం టీమ్ ను చాలా బాధ కలిగిస్తుంది. ఎగ్జైట్మెంట్ ను కిల్ చేసేలా వస్తున్న ఈ వార్తల పట్ల విచారం వ్యక్తం చేస్తున్నారు. అయితే ఇప్పటి వరకూ కొన్ని అనధికారిక మూలాల నుండి వచ్చినవి వాస్తవాలు కాదని తెలిపారు. ఇకపై అలా వచ్చే వార్తలను నమ్మకండి అంటూ టీమ్ తెలిపింది.
