కోలీవుడ్ స్టార్ యాక్టర్ విక్రమ్ ప్రధాన పాత్రలో, దర్శకుడు పా. రంజిత్ దర్శకత్వంలో తెరకెక్కిన తంగలాన్ చిత్రం థియేటర్లలో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంటుంది. ఈ చిత్రం బాక్సాఫీస్ వద్ద డే 1 మంచి వసూళ్లను రాబట్టింది. ఈ చిత్రానికి తెలుగు రాష్ట్రాల్లో కూడా డీసెంట్ రెస్పాన్స్ వస్తోంది.
కూకట్ పల్లి లోని భ్రమరాంబ థియేటర్ ను నేడు తంగలాన్ టీమ్ సందర్శించనుంది. విక్రమ్, పా. రంజిత్ లతో పాటుగా, సినిమాలో కీలక పాత్రలో నటించిన మాళవిక మోహనన్ విజిట్ చేయనుంది. సాయంత్రం 6:30 గంటల షో కి వీరు పాల్గొననున్నారు. ఇదే విషయాన్ని సరికొత్త పోస్టర్ ద్వారా వెల్లడించారు. ఇక ఈ చిత్రానికి జీవి ప్రకాష్ కుమార్ సంగీతం అందించారు. ఈ చిత్రం లాంగ్ రన్ లో బాక్సాఫీస్ వద్ద మంచి వసూళ్లను రాబట్టే అవకాశాలు కనిపిస్తున్నాయి.