చైల్డ్ ఆర్టిస్ట్ గా ప‌లు సినిమాల్లో న‌టించి.. హీరోగా టాలీవుడ్ లో ఎంట్రీ ఇచ్చిన తేజ స‌జ్జా త‌న‌కంటూ మంచి గుర్తింపును తెచ్చుకున్నాడు. ఇక ఈ ఏడాది ‘హ‌ను-మాన్’ మూవీతో పాన్ ఇండియా వైడ్ గా బ్లాక్ బ‌స్ట‌ర్ హిట్ ను అందుకుని వార్త‌ల్లో నిలిచాడు ఈ యంగ్ హీరో. అయితే, తేజ స‌జ్జా ఇప్పుడు ఓ స‌రికొత్త అవ‌తారంలో క‌నిపించ‌బోతున్నాడు.
ప్ర‌తియేటా దేశంలోని ఉత్త‌మ చిత్రాల‌కు అందించి IIFA అవార్డుల వేడుక‌లో తేజ స‌జ్జా హోస్ట్ గా మార‌నున్నాడు. ఈ మేర‌కు IIFA నిర్వాహ‌కులు తేజ‌ను దీనికోసం సంప్ర‌దించార‌ట. నేష‌న్ వైడ్ ఆడియెన్స్ ను ఆక‌ట్టుకునే చార్మ్ ఉండ‌టంతోనే తేజ స‌జ్జాకు ఈ అవ‌కాశం ద‌క్కిన‌ట్లుగా తెలుస్తోంది.
ఇక గ‌తంలో IIFA అవార్డుల ప్ర‌ధానోత్స‌వ కార్య‌క్ర‌మంలో షారుక్ ఖాన్, స‌ల్మాన్ ఖాన్, రానా ద‌గ్గుబాటి వంటి స్టార్స్ హోస్ట్ గా మారారు. కెరీర్ తొలినాళ్ల‌లోనే తేజ స‌జ్జాకు ఇలాంటి ఛాన్స్ రావ‌డంపై అభిమానులు సంతోషం వ్య‌క్తం చేస్తున్నారు.
