రెబల్ స్టార్ ప్రభాస్ పై సీఎం రేవంత్ రెడ్డి ఎలివేషన్ వైరల్.. ఈ రెండు ఒకే రోజు

పాన్ ఇండియా స్టార్ ప్రభాస్ హీరోగా ఇప్పుడు తన క్రేజ్ ని ఖండాంతరాలు దాటించుకున్న సంగతి తెలిసిందే. బాహుబలి మొదలుకొని ఇప్పుడు కల్కి 2898 ఎడి (Kalki 2898 AD) తో ప్రభాస్ తన హవాని ఓ రేంజ్ లో మార్చుకోగా తనపై పూలతో పాటుగా రాళ్లు కూడా కొన్ని పడుతూ ఉంటాయి. అయితే ఈరోజే ఓ క్రిటిక్ ప్రభాస్ పై నోరు జారడం జరిగింది. కానీ ఇది వైరల్ అవుతున్న నేపథ్యంలో ఏకంగా తెలంగాణ సీఎం రేవంత్ రెడ్డి ప్రభాస్ పై చేసిన కామెంట్స్ ఇప్పుడు వైరల్ గా మారాయి.

రేవంత్ రెడ్డి ఓ మీట్ లో పాల్గొనగా రాజుల కోసం మాట్లాడుతూ.. ప్రభాస్ పై కూడా కామెంట్స్ చేశారు. ప్రభాస్ టాలీవుడ్ బాలీవుడ్ లు దాటి హాలీవుడ్ కి వెళ్ళాడు అని బాహుబలి అనే సినిమాని ప్రభాస్ లేకుండా ఊహించలేం అంటూ రెబల్ స్టార్ పై ఓ రేంజ్ ఎలివేషన్ ఇవ్వగా దెబ్బకు అక్కడ ప్రాంగణం దద్దరిల్లింది. మరి ఈరోజే ప్రభాస్ పై నెగిటివ్ కామెంట్ వచ్చి వైరల్ అవుతుంది అనే లోపే దానికి గట్టి కౌంటర్ తరహాలో సీఎం లాంటి పర్శనాలిటీ నుంచి ఊహించని విధంగా మరో రూపంలో కౌంటర్ రావడం అనేది యాదృచ్చికం అని చెప్పాలి.