ఇటీవల బాలీవుడ్ సినిమా దగ్గర వచ్చి భారీ హిట్ అయ్యిన చిత్రాల్లో యంగ్ హీరో లక్ష్య, తన్యా మణిక్తల హీరో హీరోయిన్స్ గా దర్శకుడు నిఖిల్ నగేష్ భట్ తెరకెక్కించిన క్రేజీ యాక్షన్ థ్రిల్లర్ చిత్రం “కిల్” కూడా ఒకటి. అయితే ఒక సర్ప్రైజింగ్ హిట్ గా నిల్చిన ఈ చిత్రం యాక్షన్ సినిమా లవర్స్ కి ఒక ట్రీట్ గా మారింది.
అలా తెలుగు ఆడియెన్స్ లో కూడా మంచి బజ్ ని సొంతం చేసుకున్న ఈ చిత్రం ఫైనల్ గా ఓటిటిలో తెలుగు వెర్షన్ లో రీసెంట్ గా వచ్చింది. అయితే మంచి హిట్ అయ్యిన సినిమాలకి ఉన్న డిమాండ్ మేర ఇతర భాషల్లో కొంచెం ఆలస్యం అయ్యినా సినిమాలు వస్తుంటాయి. అలానే డిస్నీ + హాట్ స్టార్ వారు ఈ చిత్రాన్ని తీసుకొచ్చారు.
అయితే ఈ చిత్రం తెలుగులో చూసిన తర్వాత మాత్రం మన వాళ్ళ రెస్పాన్స్ వేరేలా ఉంది. అసలు ఒరిజినల్ ఫీల్ ని పూర్తిగా పోగొట్టేలా వరస్ట్ డబ్బింగ్ ఈ సినిమాకి అందించారని సోషల్ మీడియాలో ఫీల్ అవుతున్నారు. కొన్ని సీన్స్ ఓకే కానీ చాలా మంది నటీనటుల డబ్బింగ్ అయితే అస్సలు నాచురల్ గా లేదని అంటున్నారు. దీనితో కిల్ ని ఎంతో ఎగ్జైటింగ్ గా చూద్దాం అనుకున్న వారు మాత్రం డబ్బింగ్ పరంగా చాలా డిజప్పాయింట్ అయ్యారని చెప్పాలి.
