గ్లోబల్ స్టార్ రామ్ చరణ్ హీరోగా దర్శకుడు శంకర్ కలయికలో, ఇద్దరి కెరీర్ లో కూడా 15వ ప్లాన్ చేసిన తాజా అవైటెడ్ చిత్రమే “గేమ్ ఛేంజర్”. అయితే ఎన్నో అంచనాలు ఈ సినిమా మొదలు పెట్టిన నాటి నుంచే నెలకొన్నాయి. కానీ సినిమా అలా ఆలస్యం అవుతూ వచ్చి ఎట్టకేలకి ఈ సంక్రాంతి విడుదలకి రాబోతుంది.
మరి ఇదిలా ఉండగా ఈ సినిమా తెలుగు సెన్సార్ పూర్తి చేసుకోగా ఈ సినిమా 165 నిమిషాల నిడివితో రాబోతున్నట్టుగా దీనితో ఖరారు అయ్యింది. అయితే ఈ సెన్సార్ లో ఒక విషయంలో మాత్రం బోర్డు వారు యూనిట్ ని చురక అంటించారని చెప్పాలి. ఈ మధ్య కాలంలో మన తెలుగు సినిమాలకి తెలుగు పదాలతో పేర్లు తక్కువ కావడమే కాకుండా తెలుగు అక్షరాల్లో ఈ ఇంగ్లీష్ టైటిల్ ని కూడా పొందు పరచడం లేదు.
ఇంకా చెప్పాలంటే పలు చిత్రాలకి కనీసం సినిమా ఆరంభంలో టైటిల్ కార్డ్స్ లో కూడా తెలుగు పదాలు ఇవ్వడం మానేశారు. ఇపుడు గేమ్ ఛేంజర్ లో కూడా ఈ టైటిల్ కార్డుని తెలుగులో కూడా పెట్టాలని సూచించారు. దీనితో తెలుగు వెర్షన్ రిలీజ్ లో కూడా థియేట్రికల్ గా ఇంగ్లీష్ టైటిల్ తోనే ప్లాన్ చేసిన టీం నిర్లక్ష్యానికి తెలుగు సెన్సార్ బోర్డు నుంచి చుక్కెదురైంది అని చెప్పాలి.
