గతేడాది కోలీవుడ్ స్టార్ యాక్టర్ కార్తీ హీరోగా విరుమాన్ అనే గ్రామీణ నేపధ్య మూవీ తెరకెక్కి ఆడియన్స్ ముందుకి వచ్చింది. ఈ సినిమా తమిళనాట మంచి కలెక్షన్ రాబట్టింది. అయితే ఈ సినిమా తెలుగులో విడుదల కాకపోవడంతో కార్తీ తెలుగు అభిమానులు తీవ్ర నిరాశకు గురయ్యారు. తెలుగులో మంచి మార్కెట్‌ను కలిగి ఉన్న కార్తీ కి మేకర్స్ నుండి ఇది ఊహించని పరిణామం అనే చెప్పాలి. అయితే కొంతకాలం తర్వాత, ఈ సినిమా యొక్క తెలుగు వెర్షన్ ని పలాసపూడి వీరబాబు టైటిల్ తో ఓటిటి ప్లాట్‌ఫారమ్ అమెజాన్ ప్రైమ్‌లో ప్రీమియర్ చేసారు, దానికి మంచి రెస్పాన్స్ లభించింది.
తాజా సమాచారం ఏమిటంటే, కాగా పసలపూడి వీరబాబు తెలుగు వరల్డ్ టెలివిజన్ ప్రీమియర్ జూన్ 18న మధ్యాహ్నం 1 గంటలకు స్టార్ మా ఛానెల్‌లో ప్రసారం కానున్నట్లు ప్రకటన వచ్చింది. కోలీవుడ్ ప్రముఖ దర్శకుడు శంకర్ కూతురు అదితి శంకర్ ఈ సినిమాతో తమిళనాట నటిగా తెరంగేట్రం చేసింది. కాగా విరుమాన్ మూవీని 2డి ఎంటర్టైన్మెంట్ బ్యానర్‌పై సూర్య నిర్మించగా ముత్తయ్య దర్శకత్వం వహించారు. ప్రకాష్ రాజ్, శరణ్య, రాజకిరణ్, సూరి, కరుణాస్ తదితరులు కీలక పాత్రలు పోషించారు. ఇక ఈ మూవీకి యువన్ శంకర్ రాజా స్వరాలు సమకూర్చారు.