కన్నడ యువ నటుడు రక్షిత్ శెట్టి ఇటీవల నటించిన బ్లాక్ బస్టర్ సినిమా 777 చార్లీ. తెలుగుతో పాటు పలు ఇతర భాషల్లో రిలీజ్ అయి అన్నింటా మంచి సక్సెస్ సొంతం చేసుకుంది ఈ సినిమా. ఆద్యంతం ఆకట్టుకునే కథ కథనాలతో తెరకెక్కి కేవలం కన్నడ వారినే కాకుండా ఇతర భారతీయ భాషల ఆడియన్స్ యొక్క మనసు కూడా దోచింది చార్లీ. ఇక ఇటీవలే ఈ మూవీ యొక్క తెలుగు వెర్షన్ వరల్డ్ టెలివిజన్ ప్రీమియర్ గా జీ తెలుగులో ప్రసారం అయింది.
అయితే లేటెస్ట్ అప్డేట్ ఏమిటంటే, ఈ సినిమా ఫస్ట్ టెలికాస్ట్‌లోనే 3.29 టిఆర్పి సాధించింది. నిజానికి టెలివిజన్ ప్రీమియర్ ఆలస్యం అయినప్పటికీ కూడా 777 చార్లీ మూవీ బుల్లితెర ఆడియన్స్ నుండి మంచి స్పందనను పొందగలిగింది. కిరణ్‌రాజ్ కె దర్శకత్వం వహించిన ఈ మూవీని పరమవా స్టూడియోస్ గ్రాండ్ గా నిర్మించింది. నోబిన్ పాల్ ఈ మూవీకి స్వరాలు అందించారు. సంగీత శృంగేరి, డానిష్ సైత్, బాబీ సింహా మరియు రాజ్ బి. శెట్టి ఈ మూవీలో ఇతర కీలక పాత్రలు పోషించారు.