స్టార్ బాయ్ సిద్ధు జొన్నలగడ్డ టిల్లు స్క్వేర్ చిత్రంతో బ్లాక్ బస్టర్ హిట్ సాధించాడు. ఈ బాక్సాఫీస్ వద్ద భారీ వసూళ్లను రాబట్టింది. తదుపరి రొమాంటిక్ ఎంటర్టైనర్ తెలుసు కదా చిత్రంలో కనిపించనున్నాడు. ప్రముఖ స్టైలిస్ట్ నీరజ కోన దర్శకత్వంలో తెరకెక్కుతున్న ఈ చిత్రంలో రాశి ఖన్నా, శ్రీనిధి శెట్టి కథానాయికలుగా నటిస్తున్నారు. ప్రస్తుతం సినిమాకి సంబందించిన మొదటి షెడ్యూల్ జరుగుతోంది.
చిత్ర బృందం ఇప్పుడు సెట్స్ నుండి సిద్ధు మరియు రాశి ఖన్నా యొక్క బీటిఎస్ స్టిల్ ను రిలీజ్ చేసింది. ఈ చిత్రంలో రాశి మరియు సిద్ధులు డైరెక్టర్ తో చాలా సరదాగా ఉన్నారు. ఈ షెడ్యూల్‌లో ప్రధాన జంటపై కొన్ని కీలక సన్నివేశాలను చిత్రీకరిస్తున్నారు. తెలుసు కదా చిత్రాన్ని పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తుండగా, వైవా హర్ష కీలక పాత్రలో కనిపించనున్నారు. ఈ చిత్రానికి థమన్ సంగీతం అందిస్తున్నారు.
