ఇటీవల తెలుగు సినిమా నుంచి వచ్చిన ఓ సరికొత్త ప్రయత్నం “గామి”. మాస్ కా దాస్ విశ్వక్ సేన్ హీరోగా చాందిని చౌదరి హీరోయిన్ గా దర్శకుడు విద్యాధర్ కాగిత తెరకెక్కించిన ఇంట్రెస్టింగ్ అడ్వెంచర్ డ్రామానే ఈ “గామి”. మరి క్రౌడ్ ఫండింగ్ సినిమా అంటూ వచ్చిన ఈ ప్రాజెక్ట్ మంచి బజ్ ని సంతరించుకొని మొదటి మూడు రోజులు మంచి వసూళ్ళని రాబట్టేసింది.
ఇక ఈ చిత్రం థియేట్రికల్ రిలీజ్ అనంతరం ఓటిటి విడుదల (Gaami OTT Release) కోసం కూడా చాలా మంది ఎదురు చూస్తున్నారు. మరి వారి కోసం ఓ అప్డేట్ అయితే తీసుకొచ్చాం. ఈ అప్డేట్ ప్రకారం గామి ఈ ఏప్రిల్ 12న ఓటిటిలో స్ట్రీమింగ్ కి రానుంది అని సమాచారం. ఈ సినిమా డిజిటల్ హక్కులు ప్రముఖ సంస్థ జీ 5 వారు సొంతం చేసుకున్న సంగతి తెలిసిందే.
మరి ఇందులో ఆరోజు నుంచి అందుబాటులోకి రానుంది అని టాక్. మరి ఈ సినిమాలో అభినయ, మహమ్మద్ సమద్ తదితరులు నటించగా నరేష్ కుమారన్ సంగీతం అందించాడు అలాగే వి సెల్యులాయిడ్ వారు సమర్పణలో చిత్రం రిలీజ్ అయ్యింది.
