బాలీవుడ్ స్టార్ నటి కంగనా రనౌత్ ప్రధాన పాత్రలో దివంగత ముఖ్యమంత్రి జయలలిత బయోపిక్ రూపొందుతున్న సంగతి తెలిసిందే. ఏ.ఎల్. విజయ్ దర్శకత్వంలో రూపొందనున్న ఈ చిత్రాన్ని విష్ణు ఇందూరి నిర్మిస్తున్నారు. పలు భాషల్లో విడుదలకానున్న ఈ చిత్రాన్ని అరవింద్ స్వామి, ప్రకాష్ రాజ్ వంటి స్టార్ నటులు నటిస్తున్నారు. ఈ చిత్రంపై తమిళనాట భారీ అంచనాలున్నాయి. ఇప్పటికే విడుదలైన ఫస్ట్ లుక్, టీజర్ ప్రేక్షకులకు విపరీతంగా నచ్చాయి.
జయలలిత పాత్రలో కంగనా చాలా బాగా కుదురిందనే ఫీడ్ బ్యాక్ ఇస్తున్నారు అందరూ. ఇక చిత్ర ట్రైలర్ రేపు రిలీజ్ కానుంది. తమిళనాట త్వరలో ఎన్నికలు జరగనున్న నేపథ్యంలో ఈ సినిమా ట్రైలర్ విడుదల చర్చనీయాంశమైంది. అందరి చూపూ ట్రైలర్ మీదే పడింది. ముఖ్యంగా జయ అభిమానులు ట్రైలర్ కోసం ఆసక్తిగా చేసున్నారు. ఏప్రిల్ 23న ఈ సినిమా తమిళంతో పాటు తెలుగులో కూడ రిలీజ్ కానుంది.