క్రియేటివ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా రాబోతున్న ‘పుష్ప 2 ది రూల్’ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. అయితే, మ్యూజిక్ డైరెక్టర్ తమన్ ‘పుష్ప2’కు వర్క్ చేస్తున్నారనే వార్తలు వైరల్ అయిన సంగతి తెలిసిందే. తాజాగా ఈ వార్తల పై క్లారిటీ వచ్చింది. ఓ మ్యూజిక్ కన్సర్ట్‌ లో పాల్గొన్న తమన్ ఈ అంశంపై స్పష్టత ఇస్తూ.. ‘నాకోసం పుష్ప 2 వేచి చూస్తోంది’ అని కామెంట్స్ చేశారు. కాగా ‘పుష్ప 2’కు ఇప్పటికే దేవిశ్రీ ప్రసాద్ మ్యూజిక్ అందిస్తున్న విషయం తెలిసిందే.
అయితే, బ్యాక్‌ గ్రౌండ్ మ్యూజిక్ కోసం తమన్ ను మేకర్స్ రంగంలోకి దించారని టాక్ నడుస్తోంది. ఇక ఈ మూవీలో నేషనల్ క్రష్ రష్మిక మందన్న హీరోయిన్ గా నటిస్తుంది. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు. ఈ భారీ బడ్జెట్ చిత్రానికి దేవి శ్రీ ప్రసాద్ తో పాటు తమన్ కూడా సంగీతం అందించడానికి రెడీ అయ్యాడు. మొత్తానికి పుష్ప-2 చిత్రానికి సంబంధించిన టికెట్లను బుక్ చేసుకునేందుకు అభిమానులు ఆసక్తిగా ఉన్నారు.
