కామెడీ హీరో నుండి సీరియస్ రోల్స్ చేసే హీరోగా మారిన అల్లరి నరేష్ నటిస్తున్న మరో సీరియస్ మూవీ ‘బచ్చల మల్లి’ ఇప్పటికే ప్రేక్షకుల్లో మంచి అంచనాలు క్రియేట్ చేసింది.ఈ సినిమా ఫస్ట్ లుక్ పోస్టర్ మొదలుకొని ఫస్ట్ సాంగ్, టీజర్ వరకు ప్రేక్షకులను ఆకట్టుకునేలా ఉండటంతో ఈ సినిమాపై బజ్ క్రియేట్ అయ్యింది. ఇక ఈ సినిమాలో అల్లరి నరేష్ పర్ఫార్మెన్స్ ఎలా ఉండబోతుందా అనే ఆసక్తి అందరిలో నెలకొంది.
అయితే, ఈ సినిమా నుండి రెండో సింగిల్ సాంగ్‌గా రొమాంటిక్ మెలోడి ‘అదే నేను అసలు లేను’ అనే సాంగ్‌ని నవంబర్ 22న రిలీజ్ చేస్తున్నట్లు మేకర్స్ ఇప్పటికే వెల్లడించారు. కాగా, ఈ సాంగ్‌ని ప్రముఖ సంగీత దర్శకుడు థమన్ చేతుల మీదుగా లాంచ్ చేయబోతున్నట్లు చిత్ర యూనిట్ తెలిపింది. ఈ నెల 22న మధ్యాహ్నం 12.06 గంటలకు ఈ సాంగ్‌ని రిలీజ్ చేస్తున్నట్లు వారు తెలిపారు.
ఈ పాటకు కృష్ణకాంత్ సాహిత్యం అందించగా ఎస్పీ చరణ్, రమ్య బెహరా ఈ పాటను ఆలపించారు. ఇక విశాల్ చంద్రశేఖర్ ఈ పాటకు అద్భుతమైన సంగీతాన్ని అందించినట్లు చిత్ర యూనిట్ చెబుతోంది. సుబ్బు మంగాదేవి డైరెక్ట్ చేస్తున్న ఈ చిత్రాన్ని రాజేష్ దండ, బాలాజీ గుట్ట ప్రొడ్యూస్ చేస్తున్నారు. డిసెంబర్ 20న ఈ చిత్రాన్ని ప్రపంచవ్యాప్తంగా రిలీజ్ చేసేందుకు మేకర్స్ రెడీ అవుతున్నారు.
