అక్కినేని నాగచైతన్య నటిస్తున్న మోస్ట్ అవైటెడ్ మూవీ ‘తండేల్’ ఇప్పటికే ప్రేక్షకుల్లో సాలిడ్ అంచనాలను క్రియేట్ చేసింది. ఈ సినిమాను దర్శకుడు చందు మొండేటి డైరెక్ట్ చేస్తుండగా పూర్తి రొమాంటిక్ యాక్షన్ ఎంటర్‌టైనర్‌గా ఈ సినిమా ప్రేక్షకులను అలరించేందుకు సిద్ధమవుతోంది. ఇక ఈ సినిమాను ఎప్పుడెప్పుడు రిలీజ్ చేస్తారా అని అందరూ ఆసక్తిగా చూస్తున్నారు.
అయితే, తాజాగా ఈ సినిమా రిలీజ్ డేట్‌ను మేకర్స్ ఓ ప్రెస్ మీట్‌లో అనౌన్స్ చేశారు. ‘తండేల్’ చిత్రాన్ని ఫిబ్రవరి 7న వరల్డ్‌వైడ్‌గా గ్రాండ్ రిలీజ్ చేసేందుకు మేకర్స్ సిద్ధమయ్యారు. ఈ మేరకు వారు అనౌన్స్‌మెంట్ చేయడంతో అభిమానుల్లో ఈ సినిమాపై అంచనాలు మరింతగా పెరిగాయి. ఇక ఈ సినిమాలో నాగచైతన్య పాత్ర అత్యద్భుతంగా ఉండబోతుందని మేకర్స్ ధీమా వ్యక్తం చేస్తున్నారు.
అందాల భామ సాయి పల్లవి హీరోయిన్‌గా నటిస్తున్న ఈ సినిమాకు దేవిశ్రీ ప్రసాద్ సంగీతం అందిస్తున్నాడు. ఈ చిత్రాన్ని GA2 బ్యానర్‌పై బన్నీ వాస్ ప్రొడ్యూస్ చేస్తున్నాడు. మరి ఈ సినిమా ఇప్పటికైనా ఎలాంటి వాయిదా లేకుండా రిలీజ్ అవుతుందా అని అభిమానులు ఆసక్తిగా చూస్తున్నారు.
