అక్కినేని నాగచైతన్య నటిస్తున్న లేటెస్ట్ మూవీ ‘తండేల్’ ప్రేక్షకుల్లో సాలిడ్ అంచనాలను క్రియేట్ చేసింది. ఈ సినిమాను దర్శకుడు చందు మొండేటి తెరకెక్కిస్తుండటంతో ఈ మూవీ ఎలాంటి విజయాన్ని అందుకుంటుందా అని అందరూ ఆసక్తిగా చూస్తున్నారు. ఇక ఈ సినిమా నుంచి ఇప్పటికే రిలీజ్ అయిన ‘బుజ్జి తల్లి’ సాంగ్‌కు సాలిడ్ రెస్పాన్స్ దక్కింది.
అయితే, ఇప్పుడు ఈ సినిమా నుంచి రెండో సింగిల్ సాంగ్‌గా ‘నమో నమ: శివాయ’ అనే పాటను రిలీజ్ చేయబోతున్నట్లు మేకర్స్ ప్రకటించారు. ఈ పాటను జనవరి 4న సాయంత్రం 5.04 గంటలకు రిలీజ్ చేయనున్నట్లు చిత్ర యూనిట్ తెలిపింది. కాగా, ఈ సాంగ్ ప్రోమోను జనవరి 3న ఉదయం 10 గంటలకు రిలీజ్ చేస్తున్నట్లు తాజాగా వెల్లడించారు.
ఇక ఈ సినిమాలో అందాల భామ సాయి పల్లవి హీరోయిన్‌గా నటిస్తుండటంతో ఈ మూవీపై అంచనాలు మరింతగా పెరిగాయి. దేవిశ్రీ ప్రసాద్ సంగీతం అందిస్తున్న ఈ సినిమాను గీతా ఆర్ట్స్ బ్యానర్‌పై అల్లు అరవింద్ ప్రొడ్యూస్ చేస్తున్నారు.
