ప్యూర్ గోదావరి బ్యాక్‌డ్రాప్‌లో తెరకెక్కిన రీసెంట్ కామెడీ ఎంటర్‌టైనర్ మూవీ ‘ఆయ్’ బాక్సాఫీస్ దగ్గర మంచి టాక్‌తో దూసుకుపోతుంది. ఈ సినిమాను అన్ని వర్గాల ప్రేక్షకులను ఆకట్టుకుంటోంది. ఇక ఈ సినిమాలోని నాన్-స్టాప్ కామెడీకి థియేటర్లలో నవ్వులు పూస్తున్నాయి. ఈ సినిమా మంచి విజయం దిశగా పరుగులు పెడుతుండటంతో చిత్ర యూనిట్ సంతోషం వ్యక్తం చేస్తుంది.
ఇప్పటికే ‘ఆయ్’ చిత్రానికి పలువురు సెలబ్రిటీలు కూడా మద్ధతు తెలుపుతున్నారు. తాజాగా ఈ జాబితాలో ‘తండేల్’ మూవీ టీమ్ కూడా చేరింది. అక్కినేని నాగ చైతన్య, సాయి పల్లవి జంటగా తెరకెక్కుతున్న *తండేల్@ చిత్ర యూనిట్, తాజాగా ‘ఆయ్’ చిత్రాన్ని వీక్షించారు. ఈ సందర్భంగా వారు ‘ఆయ్’ చిత్ర యూనిట్‌ను వారు అభినందించారు.
ఇక ‘ఆయ్’ మూవీలో నార్నె నితిన్, నయన్ సారిక హీరోహీరోయిన్లుగా నటించారు. ఈ సినిమాను అంజి కె మణిపుత్ర డైరెక్ట్ చేయగా, ప్రముఖ నిర్మాత బన్నీ వాస్, విద్య కొప్పినీడి ఈ చిత్రాన్ని ప్రొడ్యూస్ చేశారు.
