తమిళ స్టార్ హీరో చియాన్ విక్రమ్ నటించిన లేటెస్ట్ మూవీ ‘తంగలాన్’ ప్రేక్షకుల్లో మంచి అంచనాలు క్రియేట్ చేసింది. దర్శకుడు పా రంజిత్ డైరెక్ట్ చేసిన ఈ పీరియాడిక్ యాక్షన్ డ్రామా మూవీలో విక్రమ్ సరికొత్త గెటప్‌లో కనిపిస్తుండటంతో ఈ సినిమా ఎలా ఉండబోతుందా అనే ఆసక్తి అందరిలో నెలకొంది. ఇక ఈ సినిమాను పాన్ ఇండియా చిత్రంగా రిలీజ్ చేస్తుండటంతో ఈ మూవీని ఎప్పుడెప్పుడు చూద్దామా అని అందరూ ఆసక్తిగా చూస్తున్నారు.

ఆగస్టు 15న ‘తంగలాన్’ చిత్రాన్ని రిలీజ్ చేసేందుకు మేకర్స్ సిద్ధమయ్యారు. ఈ క్రమంలో ఈ చిత్ర ప్రమోషన్స్‌ను ప్రారంభించేందుకు వారు రెడీ అయ్యారు. దీని కోసం ‘తంగలాన్’ చిత్ర యూనిట్ వివిధ నగరాల్లో పర్యటించి ప్రేక్షకులతో ముచ్చటించనుంది. అయితే, ఈ పర్యటనను హైదరాబాద్ నుంచే ప్రారంభించనుంది ‘తంగలాన్’ యూనిట్. హైదరాబాద్‌లో ఆగస్టు 4న, చెన్నైలో ఆగస్టు 5న, బెంగళూరులో ఆగస్టు 6న, ముంబైలో ఆగస్టు 7న, కొచ్చిలో ఆగస్టు 9న తంగలాన్ చిత్ర యూనిట్ పర్యటించనుంది.

ఇక ఈ పర్యటనలో హీరో విక్రమ్, హీరోయిన్లు పార్వతి తిరువొత్తు, మాళవికా మోహనన్, పశుపతి, డేనియల్, జివి ప్రకాశ్ కుమార్, పా రంజిత్ తమ అభిమానులను కలవనున్నారు. ఈ సినిమాను స్టూడియో గ్రీన్ బ్యానర్ పై జ్ఞానవేల్ రాజా ప్రొడ్యూస్ చేస్తున్నారు.