సూపర్ స్టార్ రజినీకాంత్ హీరోగా నెల్సన్ దిలీప్ కుమార్ దర్శకత్వంలో తెరకెక్కిన మాస్ యాక్షన్ ఎమోషనల్ ఎంటర్టైనర్ ‘జైలర్’ అద్భుత విజయాన్ని సాధించింది. అందుకే, ఈ క్రైమ్‌ థ్రిల్లర్‌కు కొనసాగింపుగా ‘జైలర్ 2’ రాబోతున్న సంగతి తెలిసిందే. ఐతే, ‘జైలర్ 2’లో కేజీయఫ్ హీరోయిన్ శ్రీనిధి శెట్టి కీలక పాత్రలో నటిస్తోందని వార్తలు వైరల్ అయ్యాయి. కాగా ఈ వార్తల్లో ఎలాంటి వాస్తవం లేదని.. ‘జైలర్ 2’లో ఇంకా శ్రీనిధి శెట్టిని ఫైనల్ చేయలేదని, ఒకవేళ ఆమెను ఫైనల్ చేస్తే.. ఆ విషయాన్ని అధికారికంగా ప్రకటిస్తాం అని మేకర్స్ తెలియజేసినట్లు తమిళ మీడియాల్లో కథనాలు వస్తున్నాయి.
మొత్తానికి ప్రస్తుతానికి అయితే, రజినీకాంత్ సినిమాలో శ్రీనిధి శెట్టి ఇంకా ఫైనల్ కాలేదని క్లారిటీ అయితే వచ్చింది. ఇక ‘జైలర్ 2’ చిత్రీకరణ గురించి త్వరలో అధికారికంగా ప్రకటించనున్నారు. ఇక ఈ ‘జైలర్ 2’లో కూడా తమన్నా, యోగిబాబు, వినాయకన్, రమ్యకృష్ణ తదితరులు కీలక పాత్రల్లో నటించబోతున్నారు. సన్ పిక్చర్స్ బ్యానర్ పై కళానిధి మారన్ ఈ జైలర్ 2 ను కూడా గ్రాండ్ గా నిర్మించబోతున్నారు. ప్రస్తుతం రజనీకాంత్‌ ‘కూలీ’ సినిమాతో బిజీగా ఉన్నారు. టైగర్‌ కా హుకూమ్‌ అంటూ ‘జైలర్’లో హంగామా చేసిన రజనీకాంత్‌, జైలర్ 2లో ఎలాంటి హంగామా చేస్తారో చూడాలి.