పృథ్వీరాజ్ సుకుమారన్ ఇటీవల నటించిన ది గోట్ లైఫ్ చిత్రం బాక్సాఫీస్ వద్ద బీభత్సం సృష్టించింది. ఇది మలయాళ సినిమాలో అతిపెద్ద వీకెండ్ రికార్డును కలిగి ఉంది. మలయాళంలో అత్యంత వేగంగా 100 కోట్ల రూపాయలు వసూలు చేసింది. బ్లెస్సీ దర్శకత్వం వహించిన ఈ చిత్రం ఆడుజీవితం నవల ఆధారంగా రూపొందించబడింది. ఈ చిత్రం (మలయాళం వెర్షన్) విమర్శకులు మరియు ప్రేక్షకుల నుండి మంచి సమీక్షలను అందుకుంది.

తాజా నివేదికల ప్రకారం, ఈ చిత్రం మే 26న డిస్నీ ప్లస్ హాట్‌స్టార్‌లో డిజిటల్‌గా ప్రారంభం కానుంది. అలాగే, థియేట్రికల్ వెర్షన్ కంటే ఓటిటి వెర్షన్ ఎక్కువ వ్యవధిని కలిగి ఉండనుంది. స్ట్రీమింగ్ ప్లాట్‌ఫారమ్ నుండి అధికారిక ప్రకటన రావాల్సి ఉంది. అనేక కొత్త విడుదలలు ఉన్నప్పటికీ, ది గోట్ లైఫ్ అద్భుతమైన లాంగ్ రన్‌ను కలిగి ఉంది. ఈ సినిమా లాంగ్ రన్ లో ప్రపంచవ్యాప్తంగా బాక్సాఫీస్ వద్ద 150 కోట్లకు పైగా వసూలు చేసింది. అమలా పాల్ ఇందులో కథానాయికగా నటించింది. పృథ్వీరాజ్ సుకుమారన్ నటించిన ఈ చిత్రాన్ని మైత్రీ మూవీ మేకర్స్ వారు తెలుగు రాష్ట్రాల్లో విడుదల చేయడం జరిగింది.

ఈ చిత్రంలో జిమ్మీ జీన్ లూయిస్, రిక్ అబీ మరియు ఇతరులు కీలక పాత్రలు పోషించారు. విజువల్ రొమాన్స్ ఇమేజ్ మేకర్స్, జెట్ మీడియా ప్రొడక్షన్, ఆల్టా గ్లోబల్ మీడియా సంయుక్తంగా ఈ చిత్రాన్ని నిర్మించడం జరిగింది.