కోలీవుడ్ స్టార్ హీరో విజయ్ ప్రధాన పాత్రలో నటించిన లేటెస్ట్ మూవీ ది గ్రేటెస్ట్ ఆఫ్ ఆల్ టైమ్. దర్శకుడు వెంకట్ ప్రభు దర్శకత్వంలో తెరకెక్కిన ఈ చిత్రం సెప్టెంబర్ 5 న ప్రపంచ వ్యాప్తంగా విడుదల కాబోతుంది. ఈ చిత్రానికి సంబంధించిన అడ్వాన్స్ బుకింగ్స్ ఇప్పటికే దేశ వ్యాప్తంగా ప్రారంభం అయ్యాయి. కాగా, తెలుగు రాష్ట్రాల్లో తెలుగు వెర్షన్ నేడు ప్రారంభం అయ్యాయి. ఇదే విషయాన్ని మేకర్స్ తాజాగా వెల్లడించారు.
యంగ్ బ్యూటీ మీనాక్షి చౌదరి హీరోయిన్ గా నటించిన ఈ చిత్రంలో ప్రశాంత్, ప్రభుదేవా, అజ్మల్ అమీర్, మోహన్, స్నేహ, లైలా, జయరామ్ తదితరులు కీలక పాత్రల్లో కనిపించనున్నారు. AGS ఎంటర్టైన్మెంట్ పతాకంపై నిర్మించిన ఈ చిత్రానికి యువన్ శంకర్ రాజా సంగీతాన్ని అందించాడు. తెలుగు రాష్ట్రాల్లో భారీగా రిలీజ్ కాబోతున్న ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.