కోలీవుడ్ స్టార్ హీరో విజయ్ చివరిసారిగా లోకేష్ కనగరాజ్ దర్శకత్వంలో తెరకెక్కిన లియో చిత్రంలో కనిపించాడు. ఈ చిత్రం బాక్సాఫీస్ వద్ద భారీ వసూళ్లను రాబట్టింది. ఈ చిత్రం తర్వాత ది గోట్ (The greatest of all time) లో కనిపించనున్నాడు. దర్శకుడు వెంకట్ ప్రభు దర్శకత్వంలో తెరకెక్కిన ఈ చిత్రం సెప్టెంబర్ 5 వ తేదీన ప్రపంచ వ్యాప్తంగా విడుదల కాబోతుంది. ఇప్పటికే పలు ప్రాంతాల్లో అడ్వాన్స్ బుకింగ్స్ ప్రారంభం అయ్యాయి.
యూకే మరియు యూరప్ ప్రాంతాల్లో ప్రీ సేల్స్ తో ది గోట్ చిత్రం దూసుకు పోతుంది. ఇప్పటి వరకూ అక్కడ 700కే డాలర్లకు పైగా వసూళ్లు రాబట్టింది. రిలీజ్ కి ఇంకా నాలుగు రోజుల సమయం ఉన్నప్పటికీ, ఈ రేంజ్ రెస్పాన్స్ అంటే మామూలు విషయం కాదు. మీనాక్షి చౌదరి హీరోయిన్ గా నటిస్తున్న ఈ చిత్రంలో ప్రశాంత్, ప్రభుదేవా, లైలా, స్నేహ, జయరామ్, అజ్మల్ అమీర్ తదితరులు కీలక పాత్రల్లో కనిపించనున్నారు. AGS ఎంటర్టైన్మెంట్ బ్యానర్ పై నిర్మించిన ఈ చిత్రానికి యువన్ శంకర్ రాజా సంగీతాన్ని అందించాడు.
