రీసెంట్ గా కోలీవుడ్ సినిమా దగ్గర మొట్ట మొదటిసారి తన పెర్ఫామెన్స్ తో అందరికీ షాకిచ్చిన హీరోయిన్ ఎవరైనా ఉన్నారు అంటే అది నటి మాళవిక మోహనన్ అని చెప్పాలి. చాలా చిత్రాల్లో సింపుల్ గా కనిపిస్తూ నార్మల్ రోల్స్ లోనే కనిపించింది కానీ మొదటిసారి ఒక మంత్రగత్తెగా ఊహించని గెటప్ అందుకు తగ్గట్టుగా క్రేజీ పెర్ఫామెన్స్ తో చియాన్ విక్రమ్ నటించిన “తంగలాన్” లో అబ్బురపరిచింది.
మరి ఇప్పుడు మాళవిక తెలుగులో పాన్ ఇండియా స్టార్ ప్రభాస్ తో “ది రాజాసాబ్” సినిమా చేస్తూ తెలుగులో ఎంట్రీ ఇవ్వనుండగా ఈ సినిమా కంటే ముందే హిందీలో ఎంట్రీ ఇచ్చేందుకు సిద్ధం అయ్యిపోయింది. ఈమె హిందీలో నటిస్తున్న లేటెస్ట్ సినిమానే “యుధ్ర”. మరి ఈ చిత్రం నుంచి తన ఫస్ట్ లుక్ ని ఆమె షేర్ చేసుకుంది. యంగ్ అండ్ టాలెంట్ నటుడు సిద్ధాంత్ చతుర్వేది సరసన మాళవిక నటిస్తుంది. ఈ చిత్రాన్ని రవి ఉద్యవర్ దర్శకత్వం వహిస్తున్నారు.
ఇక దీని నుంచి మాళవిక మోహనన్ ఫస్ట్ లుక్ షేర్ చేసుకుంది. ఇందులో తాను స్టన్నింగ్ గా కనిపిస్తూ నిఖత్ అనే పాత్రలో కనిపిస్తున్నట్టుగా పరిచయం చేశారు. ఒక పర్ఫెక్ట్ బాలీవుడ్ యాక్షన్ సినిమా పోస్టర్ తరహాలో మాళవిక అయితే ఇప్పుడు పరిచయం అయ్యింది. మరి ఈ సినిమాలో తన రోల్ ఎలా ఉంటుందో చూడాలి. ఈ సినిమా వరల్డ్ వైడ్ గా సెప్టెంబర్ 20న రిలీజ్ కాబోతుంది.
