రెబల్ స్టార్ ప్రభాస్ వరుస భారీ చిత్రాలతో బిజీగా ఉన్నారు. జూన్ 27 వ తేదీన రిలీజైన కల్కి 2898ఎడి బాక్సాఫీస్ వద్ద భారీ వసూళ్లతో దూసుకు పోతుంది. వెయ్యి కోట్ల క్లబ్ లో చేరి సెన్సేషన్ క్రియేట్ చేయడం జరిగింది. తదుపరి ది రాజా సాబ్ చిత్రంలో కనిపించనున్నారు ప్రభాస్. మారుతి దర్శకత్వంలో తెరకెక్కుతున్న ఈ చిత్రం యొక్క గ్లింప్స్ ను నేడు మేకర్స్ రిలీజ్ చేయడం జరిగింది. ఈ వీడియోలో ప్రభాస్ సూపర్ కూల్ గా, డార్లింగ్ అవతార్ లో చాలా అందంగా కనిపిస్తున్నారు. వీడియో కొద్ది సేపటికే వైరల్ గా మారుతోంది.
మ్యూజికల్ సెన్సేషన్ థమన్ సంగీతం వీడియోలో విశేషంగా ఆకట్టుకుంటుంది. అయితే ఈ వీడియోలో సినిమా రిలీజ్ డేట్ ను మేకర్స్ ప్రకటించడం జరిగింది. ఏప్రిల్ 10, 2025 న సినిమా థియేటర్లలోకి రానుంది. అయితే హార్రర్ రొమాంటిక్ కామెడీ ఎంటర్టైనర్ గా ఈ చిత్రం తెరకెక్కుతున్నట్లు మేకర్స్ వెల్లడించారు. పీపుల్ మీడియా ఫ్యాక్టరీ బ్యానర్ పై టీజీ విశ్వ ప్రసాద్ నిర్మిస్తున్న ఈ చిత్రం పై ప్రేక్షకుల్లో ఆసక్తి నెలకొంది. ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి.
వీడియో కోసం ఇక్కడ క్లిక్ చెయ్యండి