ఎనర్జిటిక్ హీరో రామ్ పోతినేని చివరిసారిగా ది వారియర్‌ చిత్రం లో కనిపించారు. లింగుసామి దర్శకత్వం వహించిన ఈ ద్విభాషా చిత్రంలో కృతి శెట్టి కథానాయిక గా నటించింది. 3 నెలల క్రితం థియేటర్ల లో విడుదలైన ఈ చిత్రం బాక్సాఫీస్ వద్ద ఊహించిన రీతిలో వసూళ్ళను సాధించలేదు. ఈ యాక్షన్ డ్రామా ఎట్టకేలకు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి సిద్దం అవుతోంది.

ప్రముఖ టీవీ ఛానెల్ స్టార్ మా ఈ చిత్రాన్ని అక్టోబర్ 30, 2022 న సాయంత్రం 6 గంటలకు ప్రీమియర్‌గా ప్రసారం చేయనుంది. ఆది పినిశెట్టి విలన్‌గా నటించిన ఈ సినిమాలో అక్షర గౌడ కీలక పాత్రలో నటించడం జరిగింది. శ్రీనివాసా సిల్వర్ స్క్రీన్ నిర్మించిన ఈ చిత్రానికి దేవి శ్రీ ప్రసాద్ సంగీతం అందించారు. ఈ చిత్రం బుల్లితెర ప్రేక్షకులను ఏ మేరకు ఆకట్టుకుంటుందో చూడాలి.