రేపు రిలీజ్ కానున్న “థీమ్ ఆఫ్ కల్కి”

రెబల్ స్టార్ ప్రభాస్ హీరోగా, డైరెక్టర్ నాగ్ అశ్విన్ దర్శకత్వంలో తెరకెక్కిన కల్కి 2898AD చిత్రం జూన్ 27, 2024 న వరల్డ్ వైడ్ గా థియేటర్ల లోకి రానుంది. ఇప్పటికే ఈ చిత్రం నుండి రిలీజైన ప్రచార చిత్రాలకి ప్రేక్షకుల నుండి, అభిమానుల నుండి సూపర్ రెస్పాన్స్ వచ్చింది. మేకర్స్ ఈ చిత్రం నుండి మరొక ఇంట్రెస్టింగ్ అప్డేట్ ను అందించారు. శ్రీకృష్ణ జన్మస్థలమైన ఉత్తరప్రదేశ్‌లోని మధురలో థీమ్ ఆఫ్ కల్కి అనే కొత్త పాటను ఈరోజు ఆవిష్కరించనున్నారు. ఈ పాట రేపు యూట్యూబ్‌లోకి రానుంది.

నాగ్ అశ్విన్ దర్శకత్వం వహించిన ఈ చిత్రంలో దీపికా పదుకునే, అమితాబ్ బచ్చన్, కమల్ హాసన్, దిశా పటాని, శాశ్వత ఛటర్జీ, రాజేంద్ర ప్రసాద్, పశుపతి మరియు శోభన కీలక పాత్రలు పోషిస్తున్నారు. వైజయంతీ మూవీస్ బ్యానర్‌పై అశ్వినీదత్ నిర్మిస్తున్న ఈ చిత్రానికి సంతోష్ నారాయణన్ స్వరాలు సమకూర్చారు.