‘అయినను పోయి రావలె హస్తినకు’ అంటూ ఎన్టీఆర్ తో త్రివిక్రమ్ మంచి కమర్షియల్ పొలిటికల్ మూవీ చేస్తున్నాడని వార్తలు వస్తుండటంతో ఈ సినిమా పై తారక్ ఫ్యాన్స్ తో పాటు సామాన్య ప్రేక్షకులకు కూడా బాగా ఆసక్తి నెలకొంది. పైగా ఈ సినిమాని పాన్ ఇండియా రేంజ్ లో ప్లాన్ చేయబోతున్న సంగతి తెలిసిందే. ఆర్ఆర్ఆర్ తరువాత తనకు వచ్చే పాన్ ఇండియా ఇమేజ్ ను దృష్టిలో పెట్టుకుని ఎన్టీఆర్ తన తరువాత సినిమాలను ప్లాన్ చేసుకుంటున్నాడు. ఇప్పటికే కన్నడ డైరెక్టర్ ప్రశాంత్ నీల్ తో ఓ సినిమాకి కమిట్ అయ్యాడు.
అలాగే డైరెక్టర్ అట్లీతో ఓ సినిమా ఆ తరువాత ఓ బాలీవుడ్ బడా దర్శకుడితో కూడా ఓ సినిమా ప్లాన్ లో ఉన్నాడట తారక్. ఏమైనా తారక్ ప్లానింగ్ పర్ఫెక్ట్ గా ఉంది. పైగా ఎన్టీఆర్ చూజ్ చేసుకున్న డైరెక్టర్స్.. ఆల్ రెడీ వాళ్ళకంటూ ఓ మార్కెట్ ఉంది. అది కూడా ఎన్టీఆర్ సినిమాలకు ఉపయోగపడుతుంది. ఇక త్రివిక్రమ్ ఎన్టీఆర్ తో చేస్తోన్న సినిమాలో మలయాళీ స్టార్ మోహన్ లాల్ ను తీసుకోవాలనుకుంటున్నారు. త్రివిక్రమ్ ఆయన కోసం ఓ కీలక పాత్రను రాస్తున్నాడట. అది పక్కా రాజకీయ నాయకుడి పాత్ర అట, అన్నట్టు ఎన్టీఆర్ పాత్ర కూడా రాజకీయాలకి ముడిపడి ఉంటుందని తెలుస్తోంది.