మెగా హీరో అల్లు శిరీష్ నటించిన తాజా చిత్రం ‘బడ్డీ’ మరో రెండు రోజుల్లో ప్రేక్షకుల ముందుకు రాబోతుంది. ఈ సినిమాను దర్శకుడు సామ్ ఆంటోన్ డైరెక్ట్ చేయగా, పూర్తి యాక్షన్ థ్రిల్లర్‌గా ఈ సినిమాను మేకర్స్ రూపొందించారు. ఇప్పటికే రిలీజ్ అయిన టీజర్, ట్రైలర్లు ‘బడ్డీ’ మూవీపై ప్రేక్షకుల్లో మంచి బజ్‌ను క్రియేట్ చేశాయి.
ఈ సినిమాలో ఓ టెడ్డీ బియర్ చుట్టూ కథ సాగనుందని ఈ చిత్ర ట్రైలర్ చూస్తే అర్థమవుతుంది. అయితే, ఈ టెడ్డీ బియర్‌లో ఉన్న నటుడు ఎవరా అని తెలుసుకునేందుకు అభిమానులు ఆసక్తిగా ఉన్నారు. ఈ విషయాన్ని చిత్ర యూనిట్ తాజాగా రివీల్ చేశారు. తాజాగా జరిగిన ‘బడ్డీ’ ప్రీ-రిలీజ్ ఈవెంట్‌లో టెడ్డీ బియర్‌లో ఉన్న నటుడు టెడ్డీ గోకుల్ అని రివీల్ చేశారు. తమిళ నటుడు టెడ్డీ గోకుల్‌కి ‘బడ్డీ’ సినిమాలో నటించడం సంతోషంగా ఉందని తెలిపారు.
ఇక ఈ సినిమాలో ప్రిషా సింగ్, గాయత్రి భరద్వాజ్ హీరోయిన్లుగా నటిస్తున్నారు. అలీ, అజ్మల్, ముఖేష్ రిషీ తదితరులు ఇతర ముఖ్య పాత్రల్లో నటిస్తున్నారు. హిప్‌హాప్ తమిళ సంగీతం అందిస్తున్న ఈ సినిమాను ఆగస్ట్ 2న గ్రాండ్ రిలీజ్ చేస్తున్నారు.
