ప్రస్తుతం పాన్ ఇండియా సినిమా బాక్సాఫీస్ ని షేక్ చేస్తున్న భారీ చిత్రం ఏదన్నా ఉంది అంటే అది రెబల్ స్టార్ ప్రభాస్ నటించిన అవైటెడ్ చిత్రం “కల్కి 2898 ఎడి” అని చెప్పాలి. మరి ఈ చిత్రాన్ని దర్శకుడు నాగ్ అశ్విన్ తెరకెక్కించగా ఎన్నో అంచనాలు నడుమ వచ్చి సాలిడ్ టాక్ ని సొంతం చేసుకుంది. ఇక ఈ చిత్రానికి కూడా పార్ట్ 2 ఉందని కన్ఫర్మ్ అయ్యిన సంగతి అందరికీ తెలిసిందే.
అయితే ఈ కొనసాగింపు చిత్రంలో యంగ్ నటుడు దుల్కర్ సల్మాన్ మళ్లీ కనిపిస్తాడు అని ఇప్పుడు రూమర్స్ వినిపిస్తున్నాయి. అయితే ఈసారి దుల్కర్ పాత్ర మహా భారతంలో కనిపిస్తుంది అని టాక్. మరి ఇందులో ఎంతవరకు నిజముందో వేచి చూడాలి. ఇక ఈ భారీ చిత్రంలో కమల్, అమితాబ్ లాంటి దిగ్గజాలు కూడా నటించగా సంతోష్ నారాయణన్ సంగీతం అందించాడు అలాగే వైజయంతి మూవీస్ నిర్మాణం వహించిన సంగతి తెలిసిందే.
