ఐకాన్ స్టార్ అల్లు అర్జున్ హీరోగా నటిస్తున్న లేటెస్ట్ అవైటెడ్ సినిమా పుష్ప 2 కోసం అందరికీ తెలిసిందే. హ్యాట్రిక్ కాంబో దర్శకుడు సుకుమార్ తో చేసిన రెండో సీక్వెల్ సినిమా ఇది కాగా దీనిపై ఇపుడు ఊహించని లెవెల్ హైప్ అయితే నెలకొంది. ఇక ఈ సినిమాపై లేటెస్ట్ గా పలు ఊహించని రూమర్స్ వైరల్ గా మారిన సంగతి తెలిసిందే. ఈ సినిమాకి సంగీతం అందిస్తున్న దేవిశ్రీ ప్రసాద్ పాటలు వరకే వర్క్ చేస్తే నేపథ్య సంగీతం మాత్రం మరో సంగీత దర్శకులు భాద్యత తీసుకోనున్నారని టాక్ వచ్చింది.
అయితే మొదట థమన్ పేరు నుంచి మొదలై ఇపుడు మొత్తం ముగ్గురు సంగీత దర్శకుల పేర్లు వినిపిస్తున్నాయి. ఇక ఈ సినిమాకి థమన్ సహా రీసెంట్ “క” తమిళ్ లో “ఖైదీ”, “సర్దార్” లాంటి ఎన్నో సినిమాలకి సాలిడ్ స్కోర్ అందించిన సంగీత దర్శకుడు సామ్ సి ఎస్ అలాగే కన్నడ సంగీత దర్శకుడు అజనీష్ లోక్ నాథ్ లు ఇపుడు పుష్ప 2 కోసం పలు సన్నివేశాలకి వర్క్ చేస్తున్నారని వినిపిస్తుంది. దీనితో దేవీ కాకుండా ఈ ముగ్గురూ పుష్ప 2 కోసం తమ వర్క్ ని అందించడం దాదాపు ఖాయం అని రూమర్స్ వినిపిస్తున్నాయి.
