టాలీవుడ్ పవర్ స్టార్ అలాగే ఏపీకి ఉప ముఖ్యమంత్రి అయినటువంటి పవర్ స్టార్ పవన్ కళ్యాణ్ (Pawan Kalyan) హీరోగా ఇప్పుడు పలు సినిమాలు చేస్తున్న సంగతి తెలిసిందే. అయితే ఇప్పుడు పవన్ కి ఉన్న పొలిటికల్ బిజీగా లైఫ్ మూలాన ఈ మూడు సినిమాలు కూడా తాత్కాలికంగా ఆపబడ్డాయి. మరి ఈ చిత్రాల్లో దర్శకుడు హరీష్ శంకర్ తో చేస్తున్న సాలిడ్ మాస్ ప్రాజెక్ట్ ఉస్తాద్ “భగత్ సింగ్” కూడా ఒకటి కాగా ఈ చిత్రం విషయంలో హరీష్ లేటెస్ట్ గా ఓ క్లారిటీ అయితే ఇచ్చాడు.
నిర్మాతలు ఆల్రెడీ పవన్ తో మాట్లాడ్డం జరిగింది అని పవన్ కూడా సాధ్యమైనంత త్వరగానే సినిమాలు అన్నీ పూర్తి చెయ్యాలని భావిస్తున్నట్టుగా రివీల్ చేసాడు. అయితే పవన్ చేస్తున్న “ఓజి”, “హరిహర వీరమల్లు” సినిమాలకి నా సినిమాతో పోలిస్తే చాలా తక్కువ రోజులే షూటింగ్ లో పాల్గొనాల్సి ఉందని సో ముందు వాటిలో జాయిన్ అయ్యి తర్వాత ఉస్తాద్ లో జాయిన్ అవుతారు అన్నట్టుగా హరీష్ రివీల్ చేసాడు. దీనితో ఉస్తాద్ భగత్ సింగ్ విషయంలో ఈ రకంగా ప్లానింగ్ ఉందని చెప్పాలి. ఇక ఈ చిత్రానికి దేవిశ్రీ ప్రసాద్ సంగీతం అందిస్తున్నాడు. అలాగే మైత్రి మూవీ మేకర్స్ నిర్మాణం వహిస్తున్న సంగతి తెలిసిందే.