మ్యాన్ ఆఫ్ మాసెస్ ఎన్టీఆర్ హీరోగా జాన్వీ కపూర్ హీరోయిన్ గా దర్శకుడు కొరటాల శివ తెరకెక్కిస్తున్న భారీ పాన్ ఇండియా చిత్రం “దేవర” కోసం అందరికీ తెలిసిందే. మరి ఈ చిత్రం నుంచి ఆల్రెడీ వచ్చిన రెండు పాటలు సూపర్ సక్సెస్ అయ్యాయి. ఇవి భారీ రెస్పాన్స్ తో దూసుకెళ్తుండగా షూటింగ్, పోస్ట్ ప్రొడక్షన్ పనులు కూడా శరవేగంగా జరుగుతున్నాయి. అయితే ఈ చిత్రాన్ని మేకర్స్ రెండు భాగాలుగా ప్లాన్ చేస్తున్న సంగతి తెలిసిందే.
మరి వీటిలో మొదటి భాగం ఈ సప్టెంబర్ లో రిలీజ్ కి తీసుకొస్తున్నారు. అయితే మరి పార్ట్ 2 విడుదల ఎప్పుడు అనేది ఇప్పుడు క్లారిటీ వినిపిస్తుంది. ఈ సినిమా సీక్వెల్ ని పెద్దగా లేట్ చేయకుండా 2025 లోనే తీసుకొచ్చేస్తున్నట్టుగా వినిపిస్తుంది. దీనితో ఫ్యాన్స్ కి డబుల్ ట్రీట్ ఇచ్చేందుకు ఎక్కువ సమయం తీసుకునేలా లేరనే చెప్పాలి. ఇక ఈ చిత్రానికి అనిరుద్ సంగీతం అందిస్తున్నాడు అలాగే ఎన్టీఆర్ ఆర్ట్స్, యువసుధ ఆర్ట్స్ వారు నిర్మాణం వహిస్తున్న సంగతి తెలిసిందే.