ప్రస్తుతం ఒక్క మన టాలీవుడ్ లోనే కాకుండా టోటల్ ఇండియన్ సినిమా దగ్గర భారీ హైప్ లో ఉన్న క్రేజీ కాంబినేషన్ చిత్రం ఏదన్నా ఉంది అంటే అది సూపర్ స్టార్ మహేష్ బాబు అలాగే దర్శక ధీరుడు ఎస్ ఎస్ రాజమౌళి కాంబినేషన్ లో రానున్న సినిమానే అని చెప్పాలి. అయితే ఈ సినిమా కోసం మహేష్ కొత్త లుక్ ఇంకో పక్క రాజమౌళి అండ్ టీం లొకేషన్స్ సీన్స్ డిజైన్ విషయాల్లో కసరత్తులు చేస్తుండగా అసలు ఈ సినిమా ఎప్పుడెప్పుడు మొదలవుతుందా అని అభిమానులు చాలా ఆసక్తిగా ఎప్పుడు నుంచో ఎదురు చూస్తున్నారు.
కానీ ఈ సినిమా మొదలు కావడానికే చాలా సమయం ఇప్పుడు పడుతుంది. నిజానికి ఈ ఏడాదిలోనే ఏప్రిల్ నుంచి మొదలు అవుతుంది అనుకున్న సినిమా నెక్స్ట్ అక్టోబర్ కి అలా వెళ్ళింది. కానీ ఇప్పుడు లేటెస్ట్ బజ్ ప్రకారం సినిమా ఇక్కడ నుంచి కూడా లేట్ అవుతున్నట్టుగా వినిపిస్తుంది. దీనితో ఈ సినిమా మొదలయ్యేది ఈ ఏడాది చివరలోనే అట.. సో మరికొంత సమయాన్ని మేకర్స్ తీసుకోనున్నారని చెప్పాలి. ఇక ఈ భారీ చిత్రాన్ని మేకర్స్ ఒక క్రేజీ అడ్వెంచర్ థ్రిల్లర్ గా అలాగే రాజమౌళి మార్క్ స్ట్రాంగ్ ఎమోషన్స్ తో ప్లాన్ చేస్తున్నారని టాక్.
