మెగా హీరో అల్లు శిరీష్ నటించిన లేటెస్ట్ మూవీ ‘బ‌డ్డీ’ అన్ని ప‌నులు ముగించుకుని రిలీజ్ కు రెడీ అయ్యింది. ఆగ‌స్టు 2న ఈ సినిమాను గ్రాండ్ రిలీజ్ చేసేందుకు మేక‌ర్స్ రెడీ అవుతున్నారు. ఈ సినిమాను ద‌ర్శ‌కుడు సామ్ ఆంటోన్ డైరెక్ట్ చేస్తున్నాడు. ఇక పూర్తి యాక్ష‌న్ థ్రిల్ల‌ర్ గా ఈ సినిమా వ‌స్తుండ‌టంతో ప్రేక్షకుల్లో సైతం ఈ సినిమాపై మంచి బ‌జ్ క్రియేట్ అయ్యింది.

ఈ సినిమాను సామాన్య ప్రేక్ష‌కులు సైతం వీక్షించి ఎంజాయ్ చేసే విధంగా టికెట్ రేట్ల‌ను త‌గ్గించారు మేక‌ర్స్. ఈ సినిమాకు సింగిల్ స్క్రీన్స్ లో రూ.99/- గా, మ‌ల్టీప్లెక్స్ లో రూ.125/- గా టికెట్ రేట్ల‌ను ఫిక్స్ చేశారు. టికెట్ రేట్లు త‌గ్గిస్తే ఆడియెన్స్ ఎక్కువ సంఖ్య‌లో సినిమాను చూసేందుకు వ‌స్తార‌ని, త‌ద్వారా ఈ సినిమా ఎక్కువ మందికి రీచ్ అవుతుంద‌ని చిత్ర యూనిట్ ఈ నిర్ణ‌యం తీసుకుంది.

ఈ సినిమాలో ప్రిషా సింగ్, అజ్మ‌ల్, ముఖేష్ రిషి, అలీ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. హిప్ హాప్ తమిళ సంగీతం అందిస్తున్న ఈ సినిమాను కెఈ.జ్ఞాన‌వేల్ రాజా, ఆధ‌న జ్ఞాన‌వేల్ రాజా సంయుక్తంగా ప్రొడ్యూస్ చేస్తున్నారు.