సిద్ధూ జొన్నలగడ్డ హీరోగా దర్శకుడు మల్లిక్ రామ్ తెరకెక్కించిన టిల్లు స్క్వేర్ ప్రస్తుతం బాక్సాఫీస్ వద్ద భారీ కలెక్షన్స్ ను రాబడుతుంది. ఈ నేపథ్యంలో ఈ సినిమా ఓటీటీ రిలీజ్ పై కొత్త అప్ డేట్ వినిపిస్తోంది. ఈ సినిమా ఓటీటీ హక్కులను నెట్‌ఫ్లిక్స్ సంస్థ సొంతం చేసుకున్నట్లు టాక్. ఐతే, థియేటర్లలో విడుదలైన నెల రోజుల తర్వాత మాత్రమే ఓటీటీలో ఈ సినిమాని స్ట్రీమింగ్ చేసేలా ఒప్పందం కుదిరినట్టు తెలుస్తోంది.
అంటే.. టిల్లు స్క్వేర్ సినిమా ఏప్రిల్ చివరి వారం లేదా మే తొలి వారంలో ఓటీటీ లో స్ట్రీమింగ్ అయ్యే అవకాశం ఉంది. ప్రస్తుతానికి అయితే ఈ సినిమాకి సాలిడ్ కలెక్షన్స్ వస్తున్నాయి. ముఖ్యంగా నైజాంలో ఈ సినిమా చాలా బాగా ఆకట్టుకుంటుంది. ఇక ఈ చిత్రంలో హీరోయిన్ గా అనుపమ పరమేశ్వరన్ నటించింది. ఈ చిత్రానికి రామ్ మిర్యాల, భీమ్స్ లు సంగీతం అందించగా సితార ఎంటర్టైన్మెంట్స్, ఫార్చూన్ 4 సినిమాస్ వారు నిర్మాణం వహించారు.
