టాలీవుడ్ యంగ్ నటుడు సిద్ధు జొన్నలగడ్డ వరుస సినిమాలతో బిజీగా ఉన్నాడు. చివరిసారిగా టిల్లు స్క్వేర్ చిత్రంలో కనిపించారు. ఈ చిత్రం ప్రేక్షకులని అలరించడం మాత్రమే కాకుండా, బాక్సాఫీస్ వద్ద భారీ వసూళ్లను రాబట్టింది. ఈ చిత్రం డిజిటల్ ప్రీమియర్ గా సూపర్ రెస్పాన్స్ ను సొంతం చేసుకుంది. లేటెస్ట్ న్యూస్ ఏంటంటే, ఈ చిత్రం వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది.
ఈ చిత్రం యొక్క శాటిలైట్ హక్కులను సొంతం చేసుకున్న ప్రముఖ టీవీ ఛానల్ స్టార్ మాలో ఆగస్ట్ 11 వ తేదీన సాయంత్రం 6:30 గంటలకి ప్రసారం కానుంది. అనుపమ పరమేశ్వరన్ ఫిమేల్ లీడ్ రోల్ లో నటించిన ఈ చిత్రానికి మల్లిక్ రామ్ దర్శకత్వం వహించారు. నేహ శెట్టి, ప్రియాంక జవాల్కర్ లు గెస్ట్ రోల్స్ లో నటించగా, ప్రిన్స్, బ్రహ్మాజీ తదితరులు కీలక పాత్రల్లో నటించారు. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.