టాలీవుడ్ యంగ్ హీరో శ్రీ విష్ణు నటిస్తున్న తాజా చిత్రం ‘స్వాగ్’ ఇప్పటికే ప్రేక్షకుల్లో సాలిడ్ బజ్‌ను క్రియేట్ చేసింది. ఈ సినిమాను దర్శకుడు హసిత్ గోలి డైరెక్ట్ చేస్తుండటంతో ఈ మూవీ బాక్సాఫీస్ వద్ద ఎలాంటి హిట్ అందుకుంటుందా అనే ఆసక్తి అందరిలో నెలకొంది. ఇక వినూత్నమైన ప్రమోషన్స్ చేస్తూ ఈ సినిమాపై ప్రేక్షకుల్లో మరింత హైప్ క్రియేట్ చేస్తోంది స్వాగ్ టీమ్.
ఈ సినిమాలో బిగ్గెస్ట్ సోషల్ మీడియా ఇన్‌ఫ్లుయెన్సర్ ‘సింగ వస్తున్నాడు’ అనే హ్యాష్ ట్యాగ్‌తో ట్రెండింగ్ చేసిన చిత్ర యూనిట్.. ఇప్పుడు ఈ సినిమా ఫస్ట్ సింగిల్ సాంగ్‌పై కీలక అప్డేట్ ఇచ్చారు. ‘సింగరో సింగ’ అనే ఫస్ట్ సాంగ్‌ను జూలై 18న సాయంత్రం 5.04 గంటలకు రిలీజ్ చేస్తున్నట్లు స్వాగ్ చిత్ర యూనిట్ తెలిపింది. ఈ పాటను బాబా సెహగల్ పాడారు.
వివేక్ సాగర్ సంగీతం అందిస్తున్న ఈ సినిమాలో రీతూ వర్మ, మీరా జాస్మిన్, శరణ్య ప్రదీప్, దక్షా నాగర్కర్ కీలక పాత్రల్లో నటిస్తున్నారు. పీపుల్ మీడియా ఫ్యాక్టరీ బ్యానర్‌పై టి.జి.విశ్వ ప్రసాద్ ఈ సినిమాను ప్రొడ్యూస్ చేస్తున్నారు.