మాస్ రాజా రవితేజ లేటెస్ట్ మూవీ ‘మిస్టర్ బచ్చన్’ ఆగస్టు 15న రిలీజ్ అవుతుండటంతో ప్రేక్షకులు ఈ సినిమా కోసం ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు హరీష్ శంకర్ డైరెక్ట్ చేస్తుండగా పూర్తి మాస్ యాక్షన్ ఎంటర్‌టైనర్‌గా ఈ చిత్రం రానుంది. ఇప్పటికే రిలీజ్ అయిన పోస్టర్స్, టీజర్, సాంగ్స్ ఈ సినిమాపై అంచనాలను అమాంతం పెంచేశాయి.
ఇక ఈ సినిమా నుంచి మరో రొమాంటిక్ సాంగ్‌ను రిలీజ్ చేయబోతున్నట్లుగా మేకర్స్ వెల్లడించారు. ‘జిక్కీ’ అంటూ సాగే ఈ ప్యూర్ రొమాంటిక్ సాంగ్ ప్రోమోను నేడు సాయంత్రం 5.49 గంటలకు రిలీజ్ చేయబోతున్నట్లు చిత్ర యూనిట్ తెలిపింది. ఈ పాటకు వనమాలి లిరిక్స్ అందించగా.. కార్తీక్, రమ్యా బెహరా స్వరపరిచారు. ఈ పాటను ఆగస్టు 2న రిలీజ్ చేయబోతున్నట్లు కూడా మేకర్స్ ప్రకటించారు.
ఈ సినిమాలో భాగ్యశ్రీ బొర్సె హీరోయిన్‌గా నటిస్తోండగా జగపతి బాబు విలన్ పాత్రలో నటిస్తున్నారు. మిక్కీ జే మేయర్ సంగీతం అందించిన ఈ సినిమాను పీపుల్ మీడియా ఫ్యాక్టరీపై టిజి.విశ్వ ప్రసాద్ ప్రొడ్యూస్ చేస్తున్నారు.
