యంగ్ హీరో శ్రీ విష్ణు వైవిధ్యమైన కంటెంట్ ఉన్న సినిమాలతో ప్రేక్షకులను అలరిస్తూ వస్తున్నాడు. ఆయన నటించిన లాస్ట్ మూవీ ‘ఓం భీమ్ బుష్’ బాక్సాఫీస్ దగ్గర నవ్వులు పూయించింది. ఇక ప్రస్తుతం మరో విలక్షణమైన కథతో మన ముందుకు రాబోతున్నాడు ఈ హీరో. ‘స్వాగ్’ అనే ఇంట్రెస్టింగ్ టైటిల్‌తో తెరకెక్కుతున్న సినిమాలో విలక్షణమైన గెటప్‌లో శ్రీ విష్ణు కనిపిస్తున్నాడు .
ఇక ‘స్వాగ్’ మూవీ నుండి వరుస అప్డేట్స్ ఇస్తూ మేకర్స్ సందడి చేస్తున్నారు. తాజాగా ఈ చిత్రానికి సంబంధించిన టీజర్‌ను రిలీజ్ చేసేందుకు మేకర్స్ రెడీ అయ్యారు. ఈ చిత్ర టీజర్‌ను ఆగస్టు 29న సాయంత్రం 4.32 గంటలకు రిలీజ్ చేయబోతున్నట్లు వారు తాజాగా వెల్లడించారు. ఈ టీజర్ ఆద్యంతం ఎంటర్‌టైనింగ్‌గా ఉంటుందని వారు ప్రేక్షకులకు ధీమా ఇస్తున్నారు.
‘స్వాగ్’ మూవీని దర్శకుడు హసిత్ గోలి డైరెక్ట్ చేశాడు. ఈ సినిమాలో రీతూ వర్మ, మీరా జాస్మిన్, దక్ష నాగర్కర్, శరణ్య ప్రదీప్ ముఖ్య పాత్రల్లో నటిస్తున్నారు. పీపుల్ మీడియా ఫ్యాక్టరీపై టి.జి.విశ్వప్రసాద్ ఈ సినిమాను ప్రొడ్యూస్ చేస్తున్నారు.