నటసింహం నందమూరి బాలకృష్ణ ప్రస్తుతం ఆహా ఓటిటి మాధ్యమంలో హోస్ట్ చేస్తున్న షో అన్ స్టాపబుల్ సీజన్ 2. ఇప్పటికే కొన్నాళ్ల క్రితం ప్రసారం అయిన సీజన్ 1 అందరినీ ఎంతో ఆకట్టుకుని భారీ వ్యూస్ ని కూడా దక్కించుకోవడంతో తాజా 2వ సీజన్ ని మరింత అద్భుతంగా సిద్ధం చేసారు మేకర్స్. దెబ్బకు థింకింగ్ మారిపోవాల అనే కాన్సెప్ట్ తో పక్కాగా ఎంటర్టైన్మెంట్ తో సిద్దమైన ఈ సీజన్ 2 యొక్క ఫస్ట్ ఎపిసోడ్ కి ఆంధ్రప్రదేశ్ మాజీ ముఖ్యమంత్రి, టిడిపి అధినేత నారా చంద్రబాబు నాయుడు, ఆయన కుమారుడు లోకేష్ గెస్టులుగా విచ్చేసారు.
వారి మొదటి ఎపిసోడ్ తాలూకు ప్రోమో ఇప్పటికే రిలీజ్ అయి అందరినీ ఎంతో ఆకట్టుకుంది. అయితే విషయం ఏమిటంటే, ఈ ఎపిసోడ్ ని అక్టోబర్ 14 అనగా నేడు మధ్యాహ్నం సరిగ్గా 2 గం. 13 ని. లకు ప్రసారం చేయబోతున్నట్లు కొద్దిసేపటి క్రితం ఆహా వారు అధికారికంగా ప్రకటించారు. మరి అందరిలో మంచి క్యూరియాసిటీ ఏర్పరిచిన అన్ స్టాపబుల్ సీజన్ 2 యొక్క ఫస్ట్ ఎపిసోడ్ ఎంత మేర ఆడియన్స్ ని ఆకట్టుకుంటుందో చూడాలి.